პარლამენტის ფრაქცია “ერთიანი ნაციონალური მოძრაობა – ძალა ერთობაშიას” თავმჯდომარის ხატია დეკანოიძის მიერ, უკრაინაში საპარლამენტო დელაგაციასთან ერთად წასვლაზე პარტიის უართან დაკავშირებით, გაკეთებულ განცხადებას ეხმაურება თამარ ჩერგოლეიშვილი:
“ასეთი უთავმოყვარეო არც მეზობელი მინდა და მითუმეტეს არც პოლიტიკური ლიდერი (ნუ ისე არიან ესენი ლიდერები, როგორც მე – ჩინეთის იმპერატორი, მაგრამ ხომ ირქმევენ).
ქოცებმა გამოაგდეს და მე არ მივდივარო“, – წერს ფეისბუქის პირად გვერდზე თამარ ჩერგოლეიშვილი.
აღსანიშნავია, რომ ჩერგოლეიშვილმა, სოციალურ ქსელში, ამ პოსტამდე, თავისი პოზიცია მთლიანად საპარლამენტო ოპოზიციასთან მიმართებაშიც დააფიქსირა:
“საპარლამენტო ოპოზიცია, ჩემი აზრით, ყველა იმ ქართველის შეურაცხყოფაა, ვისაც ეს ქვეყანა გულით უყვარს და ივანიშვილის რეჟიმის მოშორებას ქვეყნის წინსვლის წინაპირობად მიიჩნევს“, – განაცხადა მან.