გასულ 2021 წელს მსოფლიოში ადამიანის უფლებების მდგომარეობის შესახებ აშშ სახელმწიფო დეპარტამენტის წლიური ანგარიში გამოქვეყნდა. ანგარიშში საქართველოსთან მიმართებაშიცაა მომზადებული შეფასებები, კერძოდ 5-6 ივლისის მოვლენები და ჟურნალისტების წინააღმდეგ მიმართული ძალადობაზე, 2021 წლის 19 აპრილის შარლ მიშელის შეთანხმებაზე, ასევე სუს-ის ფაილებთან (უწყებიდან გამოტანილი მასალები), ბერა ივანიშვილთან დაკავშირებული საკითხები (ტვ პირველის ფარული მოსმენების გადაცემა), მედიისა და მართლმსაჯულების პრობლემები (მათ შორის ადმინისტრაციულ სამართალდარღვევებთან დაკავშირებით გამკაცრებული სანქციები), სახელმწიფო ინსპექტორის სამსახურის გაუქმება და ა.შ.
ანგარიშში სხვადასხვა, საკითხთან მიმართებაში, ნახსენებია პრემიერ-მინისტრი ირაკლი ღარიბაშვილი, ცალკეა განხილული საკითხები მიხეილ სააკაშვილთან, ნიკა მელიასთან, ნიკა გვარამიასთან, “ქართულ ოცნებასთან” მიმართებაში და კიდევ ბევრი სხვა რამ.
აღნიშნულ ანგარიშთან დაკავშირებით იქნება განცხადება-შეფასებები როგორც ხელისუფლების წარმომადგენლების, ასევე ოპოზიციისა, მედიისა თუ არასამთავრობო ორგანიზაციების მხრიდან და საინტერესოა მათ პოზიციებში რამდენად მოხდება თანხვედრა, რაში იქნება ძირითადი განსხვავებები.