“ყველა საჭირო ინფორმაციას ევროკავშირს დათქმულ ვადებში მივაწვდით” – არჩილ თალაკვაძე

მმართველი პარტიის ერთ-ერთი ლიდერი არჩილ თალაკვაძე აცხადებს ევროკავშირიდან შემოსულ 369-შეკითხვიან კითხვარზე პასუხებს ქვეყანა უმოკლეს ვადაში გასცემს:

,,კითხვარი შედგება 3 ძირითადი ბლოკისგან:

• ეს არის პოლიტიკური ბლოკი, რომელიც დემოკრატიულ ინსტიტუტებს შეეხება, მათ შორის, პარლამენტს და პარლამენტი იქნება ამ სამუშაოში ჩართული;
• მეორე ბლოკი გახლავთ სავაჭრო-ეკონომიკური ბლოკი, თუ როგორ ფუნქციონირებს საქართველოს ეკონომიკური სისტემა, ფინანსების მართვა, საბაჟო სამსახური და სხვა შესაბამისი სამსახურები;
• მესამე ბლოკი გახლავთ უკვე სექტორული, თითოეული მიმართულებით – სოციალური, კულტურული და სხვა, თუ როგორ არის ჩვენი სახელმწიფო როგორც რეგულაციების კუთხით, ასევე ინსტიტუციური მხრით წარმოდგენილი.

ჩვენ ყველა ამ ინფორმაციას, რა თქმა უნდა, ევროკავშირს უახლოეს პერიოდში, დათქმულ ვადებში მივაწვდით“, – განაცხადა არჩილ თალაკვაძემ.

ავტორი
ნინი ხიჯაკაძე