“ქართული პოლიტიკა გადაიქცა ქარვასლად და სწორედ ამიტომ არიან ქოცები ხელისუფლებაში” – ელისო კილაძე

ელისო კილაძე სოციალურ ქსელში გამოქვეყნებული პოსტის მეშვეობით “ნაციონალურ მოძრაობას” და დავით კეზერაშვილს მიმართავს, ასევე ყურადღებას ამახვილებს კონკრეტულ საკითხებზე – პოზიცია, შეფასებები, განმარტებები, შეთავაზებები:

“ახლა მოვრჩი შეხვედრას ძალიან მნიშვნელოვან თემებზე, მნიშვნელოვან ადამიანებთან.

1. პარტიულ ინტრიგებში ჩარევას არ ვაპირებ, არც პარტიული აქტივი ვარ, მიშა ჩემი უფროსი არ არის, რომ მისი დირექტივებით ვიმოქმედო – როდის, რა დავწერო და ვისზე!
2. პატიმარ სააკაშვილთან საქმეების გარჩევებს არ ვაპირებ, კვლავინდებურად განვაგრძობ მისი დარღვეული უფლებებისთვის და სიმართლისთვის ბრძოლას. იმედს ვიტოვებ რომ იგივეს გააკეთებს პარტიული ელიტა.
3. ენმ-ს პოლიტსაბჭოს და ლიდერშიპს ვურჩევ, სააკაშვილის ორ ბრალზე მომზადებული “ქრონიკა+”-ის ფილმი შეიმჩნიონ და მეტი დრო დაუთმონ არა კეზერაშვილის დირექტივების შესრულებას, არამედ მათი ლიდერის პოლიტიკურ მსჯავრზე ფაქტებით საუბარს, მათ შორის, უცხოელ პარტნიორებთან.
4. ქართული პოლიტიკა გადაიქცა ქარვასლად და სწორედ ამიტომ არიან ქოცები ხელისუფლებაში.
   ამ ეტაპზე მნიშვნელოვანია უკრაინაში ჩემი და ჩემი მეგობრების წასვლისთვის უსაფრთხო მარშრუტის და შეხვედრების ორგანიზება.
5. კეზერაშვილს რაც შეეხება – ასევე ვურჩევ, ანტიკორუფციული ბიუროს ნაცვლად, რევოლუციური კომიტეტი დააფინანსოს, თუ ცხადია მისი პრიორიტეტი ხელისუფლების შეცვლაა და არა ტრადიციული ვაჭრობა!” – წერს ფეისბუქის პირად გვერდზე ელისო კილაძე.