“ყოველი ბრძოლა ყოველთვის ღირს, თუ ის არის ღირსებისთვის, თავისუფლებისთვის” – სალომე ზურაბიშვილი

9 აპრილს დაღუპულთა გმირების ხსოვნას პატივი მიაგო საქართველოს პრეზიდენტმა სალომე ზურაბიშვილმა და განაცხადა, რომ ყველა ბრძოლა ღურებულია, რომელიც ემსახურება თავისუფლებას და დამოუკიდებლობას:

,,დღეს აქ მოტანილი ტიტები არის არა მხოლოდ 9 აპრილს დაღუპული გმირებისთვის, ეს ყვავილები ასევე ამკობს იმ გმირებს, ქართველებს თუ უკრაინელებს, რომლებიც დღეს იბრძვიან ზუსტად იგივე იდეებისთვის, იგივე იდეალებისთვის, იგივე თავისუფლებისა და დამოუკიდებლობისთვის.

ყოველი ბრძოლა ყოველთვის ღირს, თუ ის არის ღირსებისთვის, თავისუფლებისთვის, ჩვენ ეს არასოდეს არ უნდა დაგვავიწყდეს და უნდა ვიდგეთ ჩვენ უკრაინელი ძმების გვერდით.

ნებისმიერი ბზარი ჩვენსა და უკრაინას შორის მხოლოდ და მხოლოდ ერთ ახეირებს და ეს არის რუსეთი!“, – განაცხადა სალომე ზურაბიშვილმა.

ავტორი
ნინი ხიჯაკაძე