საქართველოს მე-3 პრეზიდენტის ადვოკატი დიმიტრი საძაგლიშვილი კომენტარს აკეთებს მიხეილ სააკაშვილის სასამართლო პროცესთან მიმართებაში და ისაუბრა მიხეილ სააკაშვილის მოთხოვნებთან დაკავშირებით:
,,ბრალდების მხარის მტკიცებულების გამოკვლების ეტაპზე ვართ. მათ ალბათ წარმოდგენილი ეყოლებათ მოწმე. ასევე, არ არის გამორიცხული სხვა მტკიცებულების გამოკვლევა მოახდინონ.
ჩვენ, დაცვის მხარეს გვექნება გარკვეული შუამდგომლობები, რაც ბუნებრივია სასამართლო პროცესზე გაიგებს საზოგადოება.
ჩვენი მოთხოვნა გააჟღერა თავად მიხეილ სააკაშვილმა: მას შემდეგ, რაც უკრაინაში შეიჭრა ოკუპანტი რუსეთი, მიხეილ სააკაშვილმა მოითხოვა მისი გადაცემა უკრაინისთვის იმიტომ, რომ ზუსტად იქ, კიევში უნდა იყოს ახლა სააკაშვილი.
პოლიტიკური ნების არსებობის შემთხვევაში არსებობს არაერთი სამართლებრივი მექანიზმი აი ამ იდეის სისრულეში მოსაყვანად“, – განაცხადა დიმიტრი საძაგლიშვილმა.
ავტორი
ნინი ხიჯაკაძე
