თბილისის მერის, კახა კალაძის ნეგატიურ პოზიციას, “პატრიოტთა ალიანსის” მოსკოვში ვიზიტსა და ნეიტრალიტეტის თემაზე საუბართან დაკავშირებით, ეხმაურება მოსკოვში მყოფი პარტიის ერთ-ერთი ლიდერი, ირმა ინაშვილი:
“მაოცებს კახი კალაძის კომენტარი. მეგობარი ქვეყანა ომშია და ნეიტრალიტეტზე ამიტომ, თურმე, არ უნდა ვილაპარაკოთ. ამ დროს მეგობარი ქვეყანა ნეიტრალიტეტსაც იხვეწება და პუტინთან შეხვედრასაც.
ეს მეგობარი ქვეყანა ომში გითრევს და რით ვერ გაიგეთ, რომ ზელენკსი სააკაშვილის მეგობარია, არც საქართველოს და არც თავად უკრაინის მეგობარი არ არის. ვიმეორებ: ორი თვის წინ რონ დაეწყო ნეიტრალიტეტზე ლაპარაკი, თავის ქვეყანას ომს ააცილებდა,” – აცხადებს ირმა ინაშვილი.
ინფორმაციისთვის – კახა კალაძემ “პატრიოტთა ალიანსის” მოსკოვში ვიზიტთან და ნეიტრალიტეტთან დაკავშირებით მათ აქტიურობაზე განაცხადა, რომ იმ დროს, როდესაც მეგობარ ქვეყანაში ომა, ადამიანები იხოცება, ქვეყანა ინგრევა და ქალაქები ნადგურდება, რა ნეიტრალიტეტზეა საუბარი? ასევე აღნიშნა, რომ “ასეთი ვიზიტები ნამდვილად არ არის მისაღები და ჩემთვის პირადად კატეგორიულად მიუღებელია”.
