ანალიტიკოსი, პოლიტოლოგი გია ხუხაშვილი, სოციალურ ქსელში გამოქვეყნებულ პოსტში, გაკვირვებას გამოხატავს პოლიტიკური ლიდერების მხრიდან გამოთქმულ მოსაზრებაზე, რომ უკრაინამ უნდა წარმოადგინოს მტკიცებულებები მათი მხრიდან გავრცელებულ ინფორმაციასთან დაკავშირებით:
“ახლა, მათ შორის, ბევრი ოპოზიციური ლიდერისგანაც ვისმენ იმ აზრს, რომ უკრაინულმა მხარემ უნდა წარმოადგინოს მტკიცებულებები და აპელირებენ მტკიცების ტვირთზე…
მგონი, იმაზე ცუდად გვაქვს საქმე, ვიდრე მეგონა…
რომელი ქვეყნის დაზვერვა გინახავთ მსოფლიოში, რომელიც ამ ენაზე საუბრობს?!
აი, ძაან პროამერიკელებს ვეკითხები, გაგიგიათ როდესმე, რომ მათ დაზვერვას მტკიცებულებები წარედგინა სადმე? ანუ თავისი აგენტურა გაეშიფრა…
ამასთანავე, კარგად უნდა გესმოდეთ, რომ წყარო არ არის უკრაინული, ის მხოლოდ გამხმოვანებელია უფრო სერიოზული ქვეყნების სადაზვერვო მონაცემების…” – წერს ფეისბუქის პირად გვერდზე გია ხუხაშვილი.
