ვიცე პრემიერი, საქართველოს კულტურის, სპორტისა და ახალგაზრდობის საქმეთა მინისტრი თეა წულუკიანი შეფასებებს აკეთებს უკრაინის სამხედრო დაზვერვის მიერ გავრცელებულ ინფორმაციასთან დაკავშირებით და უკრაინის ხელისუფლებას, მათ შორის, პრემიერ მინისტრის მოადგილეს, ირინა ვერეშჩუკს მიმართავს და აცხადებს, რომ საქართველოს საზღვრები კონტროლდება და კონტრაბანდა ქვეყნის ტერიტორიაზე ვერ გაივლის:
,,მე მინდა ქალბატონ ვერეშჩუკს ვუთხრა, რომ ძვირფასო კოლეგა უნდა გჯეროდეთ და გარწმუნებთ, რომ საქართველოს საზღვრები კონტროლდება.
ეს საზღვრები კონტროლდება სწორედ იმისთვის, რომ ნებისმიერი სანქცირებული იქნება ეს სამხედრო, ორმაგი დანიშნულების მასალა თუ საქონელი არ აცდეს მკაცრ საბაჟო მონიტორინგს ჩვენს საზღვრებზე. ეს არის რეალობა.
დანარჩენი ყველაფერი არის ბინძური ტყუილი და ჩვენი ბრალი ვერ იქნება, თუ, სამწუხაროდ, უკრაინა ჯერ კიდევ ჩემი იუსტიციის მინისტრობის პერიოდში გადაიქცა საქართველოდან გაქცეული კრიმინალების ,,ნაკრძალად“.
ამიტომაც მე ვისურვებდი, რომ უკრაინის მთავრობა არ აჰყვეს იმ კრიმინალებს, მათ ნაამბობს. ითანამშრომლონ არა ჩვენგან გაქცეულ რადიკალურ ოპოზიციასთან, არამედ საქართველოს მთავრობასთან, ვინაიდან საქართველოს ხალხი და მის მიერ დემოკრატიულად არჩეული მთავრობა არის სწორედ უკრაინის და უკრაინელი ხალხის ძალიან ერთგული მეგობარი“, – განაცხადა თეა წულუკიანმა.
ავტორი
ნინი ხიჯაკაძე
