საქართველოს პარლამენტის წევრი გრიგოლ ვაშაძე მწვავე პოლიტიკურ შეფასებას აკეთებს საქართველოს პრემიერ-მინისტრის განცხადებაზე რუსეთ-უკრაინის ომთან დაკავშირებით. ოპოზიციონერი ლიდერი ირაკლი ღარიბაშვილს მოუწოდებს, რომ ამ თემებზე საუბარი პროფესიონალებს მიანდოს:
,,ეს თუ უბრალოდ იმის უუნარობა არის, რომ თავისი აზრი ჩამოაყალიბოს ეს უბედურებაა, თუ მართლა გულისხმობა იმას, რაც თქვა – ეს უკვე სრული კოშმარია.
საერთოდ, ალბათ, წესად უნდ აიღოს სულ ყველამ – ამ ძალიან დაძაბულ დროს მაშინ, როდესაც ყოველი სიტყვა უნდა იყოს ოქროს ფასად აწონილი და შემდეგ გახმოვანებული.
საქართველოს პრემიერ-მინისტრმა პროფესიონალებს მიანდოს ამ თემებზე საუბარი, თორემ ერთი შეცდომა მეორეზე მოსდის და კიდევ უფრო დაძაბავს, ისედაც დაძაბულ სიტუაციას“, – განაცხადა გრიგოლ ვაშაძემ.
ავტორი
ნინი ხიჯაკაძე