პარტია “კანონი და სამართლის” თავმჯდომარე, თაკო ჩარკვიანი ერთ-ერთ ტელე არხზე პარტია “ერთიანი საქართველო – დემოკრატიული მოძრაობის” ლიდერის, ნინო ბურჯანაძის გამოსვლას ეხმაურება და მწვავე შეფასებებს აკეთებს მის მიმართ:
“ბურჯანაძე გამოდის ტელევიზიით “ზელენსკისგან სილის გაწვნის ღირსი არ არის საქართველოო” (პუტინზე აუგი სიტყვა არასოდეს დასცდენია) და ამ “რუს პოლიტიკანს” აუხსენით, რომ ზელენსკიმ საქართველოს მადლობა გადაუხადა, სილა კი, თუ მაინცდამაინც, “ოცნების” ხელისუფლებას გააწნა და არა საქართველოს, რადგან ჩუმად ხელშეკრულებები არ უნდა განაახლო რძის პროდუქტებზე და ა.შ. ოკუპანტ რუსეთთან, რომელიც ბავშვებს ხოცავს.
პუტინის პროპაგანდისტები მადლობას უხდიან საქართველოს ხელისუფლებას იქვე დასძინა ბურჯანაძემ და ახალგაზრდებს მოუწოდა ქუჩაში რატომ არ გამოდიხართ ბიბილოვის განცხადების გამოო, მე რომ ვიყო ხელისუფლებაში ან რაიმე თანამდებობაზე (ვითომ არ იყო?!) ორგანიზებას გავუკეთებდი ყველას და ყველაფერსო წავიდოდი და ბიბილოვს დაველაპარაკებოდიო (რუსის ჯარს შემოიყვანდა ალბათ).
ვაახ, ბიბილოვს ტელეფონით დაელაპარაკოს ვინმეო (დიანა შეწუხდა, ტრაპაიძე და ჰკითხა – ეს რას შეცვლისო). ამ პოლიტიკანს დაავიწყდა რომ ბიბილოვს კი არა სულ “მთლად” პუტინს აღუთქვა 2018 წელს ” უბლოკო” სტატუსი საქართველოსთვის, თან ბიბილოვი რასაც ამბობს ვითომ არ იცის ამ პოლიტიკანმა, რომ ყველა სიტყვა რუსეთის ნაკარნახევია!!!
ჰოდა ახალგაზრდებს ამ ტიპის პოლიტიკანებმა რომ არ მოუწოდონ აჯობებს. იციან ახალგაზრდებმა და აჩვენეს კიდეც უკრაინის მხარდასაჭერ აქციაზე, რომ მაგრები არიან, ბევრნი იყვნენ, გამოვიდნენ, გამოვლენ და ზუსტად იციან სად და როდის!
ხალხი ბრძენია, ბრძენი, შეუშვით ამ “მრავალწლიან ნათაღლითარ” თავებში! გამოვლენ და ბევრნიც იქნებიან ოღონდ “ედინაია როსიას” გარეშე ანუ აქაური ბურჯანაძის – პუტინის ფილიალის გარეშე!
არ არის საჭირო “მოწოდება”. “მაგ” მოწოდებების გამო ბევრი სახლში რჩება! ნუ, თუ სპეციალურად კეთდება და ეს დავალება ანუ “ჩაშლის” დავალება აქვს ამ პოლიტიკანს, ეს სხვა საკითხია!” – წერს ფეისბუქის პირად გვერდზე თაკო ჩარკვიანი.
