“რომელ პარტიასთან შეიძლება გააკეთო ეროვნული თანხმობის ჯგუფი, რომ უფრო კარგად ივაჭრონ, ირბინონ და ქვეყანა დადონ კიდევ ერთხელ სასწორზე, ჩემთვის ცოტა გაუგებარია!” – შალვა ნათელაშვილი

,,ლეიბორისტული პარტიის“ თავმჯდომარე შალვა ნათელაშვილი კომენტარს აკეთებს საქართველოს მე-3 პრეზიდენტის მიხეილ სააკაშვილის მოწოდებაზე ეროვნული თანხმობის მთავრობის ჩამოყალიბებასთან დაკავშირებით:

,,მე არ ვიცი ეროვნული შეთანხმების მთავრობა რას უნდა ნიშნავდეს იმ ფონზე, როდესაც ფაქტიურად ივანიშვილის რეჟიმი იყო დასრულებული. საკმარისი გახლდათ სამი კვირა ბოიკოტის გაგრძელება და ოპოზიციის არ შესვლა იმ ცნობილ დარბაზში – ახალი არჩევნები წინ გვედგა თავისი ეროვნული მთავრობით და სამართლიანი პროცედურებით.

ამის შემდეგ რომელ პარტიასთან შეიძლება გააკეთო ეროვნული თანხმობის ჯგუფი, რომ უფრო კარგად ივაჭრონ, ირბინონ და ქვეყანა დადონ კიდევ ერთხელ სასწორზე, ჩემთვის ცოტა გაუგებარია!“, – განაცხადა შალვა ნათელაშვილმა.

ავტორი
ნინი ხიჯაკაძე