,,ქართული ოცნების“ მთავარმა სპიკერმა მამუკა მდინარაძემ ტელეკომპანია “იმედის” ეთერში ვარაუდი გამოთქვა, რომ სტრასბურგის სასამართლო მიხეილ სააკაშვილის სარჩელს დასაშვებად სცნობს. აღნიშნულ საკითხზე კომენტარი გააკეთა ,,სტრატეგია აღმაშენებლის“ პოლიტიკური საბჭოს წევრმა სერგო ჩიხლაძემ:
,,სტრასბურგის სასამართლო ასე არ იღებს ხომ საქმეებს? – ანუ მართლა არსებობს საფუძველი და ამას ადასტურებს სხვა საერთაშორისო ორგანიზაციები, ჩვენი ორგანიზაციებიც – იგივე სახალხო დამცველი, სხვა ანგარიშები, რომ დიახაც, აქ ნამდვილად საქმე აქვს იმ დეტალებს, რაც აკმაყოფილებს საქმის დასაშვებლობას, იმ კრიტერიუმებს.
მეორე კითხვა ის არის, რომ ბატონმა მდინარაძემ წინასწარ საიდან იცის სტრასბურგის სასამართლოში რას მიიღებენ და რას არ მიიღებენ?! – რამდენადაც ვიცი, ბატონი მდინარაძე, ,,ქართული ოცნების“ სხვა ლიდერები არ არიან არც სასამართლოს წევრები, არც იმ სასამართლოში არ მუშაობენ“, – განაცხადა სერგო ჩიხლაძემ.
ინფორმაციისთვის: ტელეკომპანია “იმედის” ეთერში პარტია “ქართული ოცნების” აღმასრულებელმა მდივანმა, მამუკა მდინარაძემ განაცხადა, რომ მსჯავრდებული მიხეილ სააკაშვილის საჩივარმა სტრასბურგში შეიძლება გადალახოს დასაშვებლობის ეტაპი, რასაც საქართველოს მე-3 პრეზიდენტის დაცვის მხარე და მხარდამჭერები პიარულ გამარჯვებად გამოაცხადებენ, რაც მდინარაძის თქმით არაა ლოგიკური, რადგანაც ეს არ ნიშნავს რომ სასამართლომ გაამართლა.
ავტორი
ნინი ხიჯაკაძე
