მმართველი გუნდი გეგმავს საკონსტიტუციო სამართალწარმოების მარეგულირებელ კანონში ცვლილებების შეტანას, რითაც მკაცრად განისაზღვრება პრეზიდენტის უფლებამოსილება, კომპეტენციები და ვალდებულებები, მათ შორის, ხელისუფლებასთან კოორდინირების ნაწილში. ოპოზიციას მიაჩნია, რომ დაგეგმილი ცვლილებების გამომწვევი მიზეზი პრეზიდენტსა და “ქართულ ოცნებას” შორის, უკრაინის საკითხზე წარმოშობილი აზრთასხვადასხვაობაა. ამასთან დაკავშირებით კომენტარი გააკეთა ,,სტრატეგია აღმაშენებლის“ გენერალურმა მდივანმა, საქართველოს პარლამენტის წევრმა პაატა მანჯგალაძემ:
,,ეს ცვლილებაც, ის განცხადებაც, რომ სარჩელს შეიტანენ – ემსახურება იმას, რომ პრეზიდენტის ბოლო დროინდელი განცხადებები და ,,ქართული ოცნების“ პოლიტიკა აცდა ერთმანეთს.
,,ქართული ოცნება“ ცდილობს, რომ ყველა სივრცე – სამართლებრივი, პოლიტიკური, ეკონომიკური, საკუთარ თავზე მოირგოს.
ეს არ არის სახელმწიფოებრივი აზროვნება. ეს არ არის, რაც დღეს საქართველოს სჭირდება“, – განაცხადა პაატა მანჯგალაძემ.
