“დღეს “ქართული ოცნება” არის ჩასვრილი და ფულის მაკეთებელი ხელისუფლება” – გიორგი ვაშაძე

პარტია “სტრატეგია აღმაშენებლის” თავმჯდომარე გიორგი ვაშაძე მმართველი პარტიის მიმართ კონკრეტულ შეკითხვებს სვამს და მწვავე შეფასებებს აკეთებს:

“მე კითხვას ვსვამ, რისთვის არის ქვეყანა მზად?! სად არის ჩვენი სამოქალაქო თავდაცვის სისტემები, ჯანდაცვის სისტემა, საკვებით მომარაგება?! არაფერზე არ მიდის მუშაობა, ერთადერთი რაზეც მუშაობენ არის ის, თუ ვინ გააკეთებს ბევრ ფულს რუსული სანქციების დროს. აი ამით არის ქართული ხელისუფლება დღეს დაკავებული.

მე ისეთი გზავნილები მივიღე ჩვენი დასავლელი პარტნიორების მხრიდან, რომელიც კატეგორიულად მიუღებელია ჩემს ქვეყანასთან, ჩემს სამშობლოსთან და თუნდაც ხელისუფლებაში მყოფ პარტიასთან მიმართებაში, რომ ვაპირებ ჩამოვიდე საქართველოში, 24-ში მივდივარ ბრიუსელში და შემდეგ ვბრუნდები უკრაინაში, მაგრამ ნამდვილად ვფიქრობ, რომ თვალი უნდა გავახილოთ ყველამ, სხვა შემთხვევაში ცუდად იქნება ჩვენი საქმე.

ჩასვრილი ხელისუფლება მტრისას და დღეს “ქართული ოცნება” არის ჩასვრილი ხელისუფლება პირდაპირ ვამბობ, ჩასვრილი და ფულის მაკეთებელი ხელისუფლება”, – აცხადებს გიორგი ვაშაძე.