“ჩვენი სახელმწიფოს ინტერესშია, რომ საქართველოს პარლამენტმა მოიწვიოს პრეზიდენტი ზელენსკი სიტყვით გამოსვლისთვის პლენარულ სხდომაზე” – სალომე სამადაშვილი

პარტიები ,,ლელო“ და ,,ნაციონალური მოძრაობა“ გამოვიდნენ ინიციატივით, რაც გულისხმობდა უკრაინის პრეზიდენტის ვოლოდიმირ ზელენსკის საქართველოს პარლამენტში მოწვევას და სიტყვით გამოსვლას. აღნიშულ საკითხზე კომენტარი გააკეთა ფრაქცია ,,ლელოს“ წევრმა სალომე სამადაშვილმა:

,,უკრაინა დღეს, თავისუფალ სამყაროსთან ერთად, ებრძვის 21-ე საუკუნის ბოროტებას ვლადიმერ პუტინის რეჟიმის სახით.

უკრაინა ამ ბრძოლაში აუცილებლად გაიმარჯვებს. უკრაინასთან ერთად გაიმარჯვებს ჩვენი ქვეყანაც.

ჩვენ უკრაინასთან ერთად უნდა გავიკვალოთ გზა ევროპისკენ, უსაფრთხოებისა და დაცულობისკენ.

ჩვენი სახელმწიფოს ინტერესშია დღეს, რომ საქართველოს პარლამენტმა, სიტყვით გამოსვლისთვის, პლენარულ სხდომაზე მოიწვიოს პრეზიდენტი ზელენსკი“, – განაცხადა სალომე სამადაშვილმა.

ავტორი
ნინი ხიჯაკაძე