“სტრატეგია აღმაშენებლის” ლიდერი გიორგი ვაშაძე უკრაინაში ჩერნოვცის მერს შეხვდა. შეხვედრის მიზანი თანამშრომლობის სტრატეგიის ჩამოყალიბება იყო, რომლის მიხედვითაც ადგილობრივი თვითმმართველობის ძალისხმევით მოქალაქეებისთვის შესაბამისი დახმარების გაწევა ხორციელდება.
გიორგი ვაშაძის თქმით, თანამშრომლობით შედეგზე გასვლა და ომში გამარჯვება აუცილებლად მოხდება.
“ჩერნოვცის ადგილობრივმა თვითმმართველობამ დიდი დახმარება გაგვიწია, დავხმარებოდით ასობით ქართველს, როგორც განსახლებაში ასევე ტრანსპორტირებაში. ჩვენ ძალიან კარგი თანამშრომლობის პროცესი ჩამოვაყალიბეთ, ასევე მნიშვნელოვანია ჰუმანიტარული დახმარება, რომელიც საქართველოდან და სხვა ქვეყნებიდან იგზავნება.
ძალიან მნიშვნელოვანია, რომ ჩვენ აქ ვართ და საქართველო აქ ჩანს. როგორც ჩვენ გვაქვს მათი მხარდაჭერა ასევე მათ აქვთ ჩვენი, ამ საერთო პროცესით შედეგზე აუცილებლად გავალთ და გავიმარჯვებთ ომში”, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს