საქართველოს მეოთხე პრეზიდენტი გიორგი მარგველაშვილი მმართველ პარტიასთან მიმართებაში კონკრეტულ შეფასებებს აკეთებს და აცხადებს, რომ ხედავს “კაპიტულანტური მთავრობის მცდელობას, რომ ყველა გააჩეროს და გააჩუმოს, ემზადებიან იმისთვის, რომ რუსეთს გადასცენ საქართველო”:
,,ჩვენ ვხედავთ კაპიტულანტური მთავრობის მცდელობას, რომ ყველა გააჩეროს და გააჩუმოს, ემზადებიან იმისთვის, რომ რუსეთს გადასცენ საქართველო, გადაუფორმონ და აი ამ ნოტარიულ აქტში ყველა უნდა იყოს გაჩუმებული. სხვანაირად პოლიტიკურად ეს არაფერს არ შეიძლება ნიშნავდეს.
აქედან გამომდინარე, მე გამოვიყენებ სასამართლოს მეგობრის ინსტიტუტს, ჩამოვაყალიბებ ჩემს პოზიციას იმისთვის, რომ დავიცვათ კონსტიტუცია.
კარგი იქნება თუ ამ პროცესს შემოუერთდება პრეზიდენტი მიხეილ სააკაშვილი და სამივე შევძლებთ, რომ კონსტიტუციის დასაცავად გაერთიანდეს სამი პრეზიდენტი.
ამ ფორმით, ბუნებრივია, შევძლებთ, რომ საქართველოს კონსტიტუციური წყობა არ იქნეს შერყვნილი ამ კოლაბორაციონისტური მთავრობის მიერ“, – განაცხადა გიორგი მარგველაშვილმა.
ავტორი
ნინი ხიჯაკაძე
