საქართველოს პარლამენტის თავმჯდომარის მოადგილემ არჩილ თალაკვაძემ პოლიტიკური შეფასება გააკეთა საქართველოს ევროინტეგრაციის პროცესსა და პარლამენტის მიერ ევროკავშირში დაჩქარებული წესით გაწევრიანებასთან დაკავშირებით მომზადებული რეზოლუციის პროექტზე. მმართველი პარტიის ერთ-ერთი ლიდერის განცხადებით, ქვეყნის საგარეო პოლიტიკური კურსი არის ძალიან მყარი და ეფუძნება საზოგადოების ძლიერ მხარდაჭერას:
,,ჩვენ, სამივე სახელმწიფომ, მივიღეთ სწორი გადაწყვეტილებები. ამ რეზოლუციაში ცხადად არის ნათქვამი, რომ ჩვენი ადგილი არის ევროპულ ოჯახში.
მოგეხსენებათ, რომ ჩვენმა ხელისუფლებამ, ,,ქართულმა ოცნებამ“ საზოგადოებასთან ერთად საქართველოს ევროპული და ევროატლანტიკური არჩევანი პირდაპირ შეიტანა და ასახა საქართველოს კონსტიტუციაში.
ჩვენი საგარეო პოლიტიკური კურსი არის ძალიან მყარი და ეს ეფუძნება ჩვენი საზოგადოების ძლიერ მხარდაჭერას.
საქართველოს ადგილი არის ევროპულ ოჯახში. ჩვენ მზად ვართ, რომ რაც შეიძლება მოკლე ვადებში განვახორციელოთ ის რეფორმები, ევროკავშირთან ერთად, რომელიც საბოლოო ჯამში დასრულდება საქართველოს გაწევერიანებით ევროკავშირში“, – განაცხადა არჩილ თალაკვაძემ.
ავტორი
ნინი ხიჯაკაძე
