სამოქალაქო აქტივისტი, ქალთა უფლებების დამცველი, კავშირ “საფარის” ხელმძღვანელი ბაია პატარაია რუსეთიდან, ოკუპანტი ქვეყნიდან რუსების საქართველოში მასიურ შემოსვლასთან დაკავშირებით პრეტენზიას გამოთქვამს სოციალურ ქსელში გამოქვეყნებული პოსტით და კონკრეტული წინადადებებით ხელისუფლებას მიმართავს:
“დიდი გარჩევა მიდის, რა ქნან წესიერმა რუსებმა? გამორბიან და არ მივიღოთ? არა, არ უნდა მივიღოთ საქართველოში რუსები. აბა, რა ქნან რუსებმა? – ებრძოლონ პუტინს!
ნუთუ მარტო უკრაინელების ვალია პუტინთან ბრძოლა?!!! არა! პირველ რიგში პუტინს უნდა ეომონ რუსები, რადგან მხოლოდ მათ შეუძლიათ ადრე და მალე პუტინის დამთავრება. გაივსო იზოლატორებიო, ხოდა გამოვიდეს მეტი, იმდენი რომ არც ერთ იზოლატორში არ დაეტიონ. თუ უკრაინაში ყველა ქალი, ბავშვი და მოხუციც კი იბრძვის, რატომ არ ებრძვის რუსი ხალხი პუტინს, საკუთარ მტერს?
და თუ მაინცდამაინც ომის ველიდან გაქცევა უნდათ შეშინებულ რუსებს, მაშინ ისეთ ქვეყანაში გაიქცნენ, რომელიც ოკუპირებული არ აქვთ!
და ნუ დაგავიწყდებათ, რომ რუს მოსახლეობას უკან ყოველთვის რუსული ტანკი მოყვება.
დღეს საქართველომ თავი უნდა დაიცვას ნებისმიერი რუსისაგან, ამისათვის საჭიროა:
1. საქართველოს მთავრობამ აღადგინოს სავიზო რეჟიმი რუსეთთან, სანამ პუტინია სათავეში. ისედაც ცოტანი ვართ და ნუ წაალეკინებთ ჩვენ თავს რუსებს.
2. საქართველოს მთავრობა, დაკეტეთ საქართველოს ცა რუსეთისთვის! ამ ერთ სანქციას მაინც შევუერთდეთ.
(გამონაკლისის სახით, მხოლოდ სომხურ ავიაკომპანიებს მიეცეთ რუსეთში ფრენის უფლება, რომ არ აღმოჩნდეს სომხეთი იზოლაციაში)“, – აცხადებს ბაია პატარაია.
