მთავრობის სხდომის დასრულების შემდეგ, მედიასთან გამართულ შეხვედრაზე, უკრაინაში მიმდინარე ომთან დაკავშირებით ისაუბრა გარემოს დაცვისა და სოფლის მეურნეობის მინისტრმა ოთარ შამუგიამ:
„პირველ რიგში მინდა გამოვეხმაურო უკრაინაში განვითარებულ მოვლენებს; ძალიან სამწუხარო მოვლენებს, რაც არის საერთაშორისო ნორმების უხეში დარღვევა. ჩვენ, ეს ყველაფერი გამოვლილი გვაქვს წლების წინ.
მე პირადად გამოვლილი მაქვს, თუ რას ნიშნავს ოკუპაცია, საკუთარი ქალაქის და კუთხის იძულებით დატოვება. ეს ძალიან სამწუხარო და ძალიან მძიმეა.
რა თქმა უნდა, ვუცხადებთ სრულ მხარდაჭერას ჩვენს მეგობარ უკრაინელ ხალხს, ჩვენ ვართ საერთაშორისო თანამეგობრობის გვერდით, რომ რაც შეიძლება სწრაფად იქნეს მიღწეული უკრაინაში მშვიდობა“, – განაცხადა ოთარ შამუგიამ.
