ოპოზიციონერი ლიდერი გიგი უგულავა პოლიტიკურ შეფასებას აკეთებს რუსეთ-უკრაინაში მიმდინარე ვითარებაზე და მიაჩნია, რომ მოლოდინის რეჟიმი გაანადგურებს საქართველოს სახელმწიფოებრიობას:
,,სრულმასშტაბიანი ომია წამოწყებული უკრაინისა და ცივილიზებული სამყაროს წინააღმდეგ, პუტინის რეჟიმის მიერ. დღეს აღარ არის იმის ფუფუნება, რომ ჩირგვში ვიჯდეთ. იმიტომ, რომ ეს პოლიტიკა მთლიანად გაანადგურებს ჩვენს სახელმწიფოებრიობას.
აქვე ვიტყვი, გუშინდელი სრულიად სამარცხვინო განცხადება იყო ღარიბაშვილის, რომელმაც განაცხადა, რომ დიდი ბიჭები იქ რაღაცას აკეთებენ, დიდი გეოპოლიტიკური გადათამაშებაა – ჩვენ პატარა ერი ვართ და დაველოდოთ.
პირველ რიგში ეს იმას ნიშნავს, რომ მას აბსოლუტურად არ წარმოუდგენია რა ფასი დაუჯდა ამ ქვეყანას დამოუკიდებლობა და რას ეთამაშება…
როგორც ჩანს, ამ არსებას, თავის თავი მომავალში ,,ცეკა“-ს მდივნად წარმოუდგენია“, – განაცხადა გიგი უგულავამ.
ავტორი
ნინი ხიჯაკაძე
