“მიხეილ სააკაშვილის შიმშლობის ყოველი დღე ბუნებრივია იქნება კიდევ უფრო რთული და მძიმე” – ბექა ბასილაია

ადვოკატი ბექა ბასილაია განმარტებას აკეთებს მიხეილ სააკაშვილის ჯანმრთელობის მდგომარეობასთან დაკავშირებით იმ ფონზე, როცა საქართველოს მე-3 პრეზიდენტმა უვადო შიმშილობა გამოაცხადა:

,,ექიმებთან დაკავშირებით კვლავ უცვლელია, ჩვენი ნდობით აღჭურვილ მედიკოსებს არ ეძლეოდა მისი მონახულების შესაძლებლობა და რაც გუშინ მიხეილ სააკაშვილმა პროცესზე განაცხადა, 6 საათის შემდეგ არ არის ასევე მორიგე ექიმი. შესაბამისად, შიმშლობის ყოველი დღე, ბუნებრივია, იქნება კიდევ უფრო რთული და მძიმე.

უკრაინისთვის ურთულეს პერიოდშიც უკრაინის სახალხო დამცველი კვლავ მოწოდების სიმაღლეზეა. აბსოლუტურად ყველა იმ ნაბიჯს დგამს, რაც ეკუთვნის და უნდა გააკეთოს სახალხო დამცველმა.

რაც შეეხება უშუალოდ განცხადებას, ჩვენც ვითხოვთ, რომ მიხეილ სააკაშვილს ჰქონდეს ადეკვატური მკურნალობა, რაც პენიტენციური სისტემის ფარგლებში წარმოუდგენელია.

ვიდრე არ მიეცემა მკურნალ ექიმს და კონსილიუმის წარმომადგენლებს მისი მონახულების შესაძლებლობა, რა შეიძლება იყოს ადეკვატური მკურნალობა – მე პირადად, როგორც იურისტი, ამას ვერ გეტყვით“, – განაცხადა ბექა ბასილაიამ.

ავტორი
ნინი ხიჯაკაძე