“ყველანაირად უნდა შევეცადოთ, რომ თავიდან ავირიდოთ ახალი ომი უკრაინაში” – შალვა პაპუაშვილი

პარლამენტის თავმჯდომარემ შალვა პაპუაშვილმა პოლიტიკური შეფასება გააკეთა საქართველოს უსაფრთხოების საკითხზე უკრაინაში განვითარებული მოვლენების ფონზე. მმართველი გუნდის ერთ-ერთი ლიდერი აცხადებს, რომ მთავარი მიზანი უნდა იყოს ომის არ დაშვება:

,,ჩვენ, საქართველოს ყველაზე კარგად ესმის, ალბათ, თუ რა მდგომარეობაში იმყოფება ახლა უკრაინა. სწორედ ამიტომ ვუსვამთ ჩვენ ხაზს, რომ მთავარი მიზანი და რეზოლუციის შინაარსიც სწორედ ეს იყო, რაც არის ომის არ დაშვება.

ყველანაირად უნდა შევეცადოთ, რომ თავიდან ავირიდოთ ახალი ომი უკრაინაში, ვინაიდან ეს საქართველოს უსაფრთხოების საკითხებთანაც არის დაკავშირებული.

აქედან გამომდინარე, ჩვენ უკრაინელ ხალხს ვუცხადებთ ძალიან მკაფიო სოლიდარობას და მხარდაჭერას“, – განაცხადა შალვა პაპუაშვილმა.

ავტორი
ნინი ხიჯაკაძე