,,სტრატეგია აღმაშენებლის“ გენერალური მდივანი პაატა მანჯგალაძე განცხადებას აკეთებს პარტიის გადაწყვეტილების შესახებ რუსთავის შუალედურ არჩევნებში პარტია “ლელო საქართველოსთვის” ერთ-ერთი ლიდერის ბადრი ჯაფარის კანდიდატურის დაყენებასთან დაკავშირებით.:
,,ჩვენ გვქონდა პოლიტიკური საბჭოს შეხვედრა – ,,სტრატეგია აღმაშენებელს“ და იმ უსამართლობიდან გამომდინარე, რაც ჩაიდინა ,,ქართულმა ოცნებამ“ ბადრი ჯაფარიძესთან დაკავშირებით, ჩვენ გადავწყვიტეთ მისთვის მხარდაჭერა.
ჩვენ ჩავერთვებით ამ კამპანიაში, მაგრამ მაინც ,,სტრატეგია აღმაშენებელი“ შეინარჩუნებს თავის დამოუკიდებელ ხაზს იმიტომ, რომ ჩვენ გვჭირდება არა ყველა პარტიის ერთმანეთში ათქვეფა და აზელვა, არამედ ,,ქართული ოცნების“ განსხვავებულობით დამარცხება.
ბადრი ჯაფარიძესაც ვურჩევთ, ის არ უნდა ჩაიკეტოს კონკრეტულად ერთი პარტიის ქოლგის ქვეშ. ის უნდა იყოს სახალხო კანდიდატი და ასე უნდა წარსდგეს ამომრჩევლების წინაშე. ამ შემთხვევაში ჩვენც გაგვიადვილდება მისთვის მხარდაჭერა“, – განაცხადა პაატა მანჯგალაძემ.
ავტორი
ნინი ხიჯაკაძე
