საქართველოს მე-3 პრეზიდენტის სასამართლო პროცესზე მოწმედ გამოძახებულმა სახელმწიფო დაცვის სამსახურის ხელმძღვანელმა ანზორ ჩუბინიძემ უარი განაცხადა ჩვენების მიცემაზე. მისი განცხადებით, მას არანაირი კავშირი არ აქვს მიხეილ სააკაშვილისა და თემურ ჯანაშიას საქმეზე – თანხების უკანონოდ გახარჯვასთან დაკავშირებით:
,,მე ვმუშაობ სახელმწიფო დაცვის სპეციალური სამსახურის ხელძღვანელის თანამდებობდაზე 2013 წლის თებერვლიდან. საჯარო წყაროებიდან ჩემთვის ცნობილი არის მიხეილ სააკაშვილისა და თეიმურაზ ჯანაშიას მიერ მილიონობით ქონების გაფლანგვასთან დაკავშირებით. ეს ბრალდება ეხება 2013 წლამდე პერიოდს. ამ დროის განმავლობაში მე არ ვიყავი სამსახურის ხელმძღვანელი და არანაირი შეხება არ მქონდა.
მე აქ გამოძახებული ვარ, როგორც დაცვის მხარის მოწმე. მართალი გითხრათ, ჩემთვის ცოტა გაუგებარი არის დაცვის მხარის პოზიციების გასამყარებლად გამოძახებული ანზორ ჩუბინიძე…
მე ვფიქრობ, რომ ბრალდებულები და მისი ადვოკატები გაცილებით კომპეტენტურები არიან და გაცილებით კარგად წარმოადგენენ, თუ რატომ და რისთვის იხარჯებოდა ეს თანხები.
ასე, რომ მე უნდა დავადასტურო, 2009-დან 2013 წლამდე არანაირი შეხება ამასთან დაკავშირებით მე არ მქონია და არ მაქვს. მინდა განვმარტო, რომ გენერალურ პროკურატურაში მიმდინარეობს გამოძიება 2013 წლის პერიოდთან დაკავშირებით, როდესაც უკვე მე ვიყავი სამსახურის ხელმძღვანელი. მიმდინარეობს გამოძიება მიხეილ სააკაშვილის სასარგებლოდ გახარჯული თანხების კანონიერებასთან დაკავშირებით.
კიდევ ერთხელ განვმეორდები და ვიტყვი, რომ ბრალდების ეპიზოდთან, რომელიც დღეს იხილება არანაირი შეხება არ მაქვს. შესაბამისად, ჩემს მიერ ნათქვამი ნებისმიერი სიტყვა, ფრაზა და დაფიქსირებული პოზიცია შესაძლოა ისე იყოს ინტერპრირებული, გამოყენებული იქნას ჩემს საწინააღმდეგოდ მომავალში. ამასთან დაკავშირებით მსურს განვაცხადო, რომ საქართველოს სისხლის სამართლის საპროცესო კოდექსით, რომელიც მაძლევს საშუალებას, რომ უარი განვაცხადო ჩვენებაზე სასამართლოს წინაშე“, – განაცხადა ანზორ ჩუბინიძემ.
ავტორი
ნინი ხიჯაკაძე
