,,სტრატეგია აღმაშენებლის“ გენერალური მდივანი, საქართველოს პარლამენტის წევრი პაატა მანჯგალაძე პოლიტიკურ შეფასებებს აკეთებს საქართველოში, პოლონეთის პრეზიდენტის, ანჯეი დუდას ვიზიტთან დაკავშირებით:
,,რეგიონში შექმნილი ვითარების ფონზე ძალიან მნიშნელოვანია ნებისმიერი ვიზიტი, განსაკუთრებით პოლონეთის პრეზიდენტის.
კიდევ ერთხელ ვამბობ, პოლონეთი არის საქართველოს მეგობარი სახელმწიფო, რომელიც ქმედითად უჭერს მხარს საქართველოს სუვერენიტეტს, ტერიტორიულ მთლიანობას. ამის აღიარება და დადასტურება იყო დღევანდელი შეხვედრა.
რაც შეეხება მესიჯებს, საქართველოს პრეზიდენტი იყო სრულად ადეკვატური.
ჩვენ ვართ ისეთ მდგომარეობაში, რომ ხელისუფლების პირების მიერ რეალობის ასახვა მგონია, რომ ეს არის დიდი მიღწევა“, – განაცხადა პაატა მანჯგალაძემ.
ავტორი
ნინი ხიჯაკაძე
