მწერალი, ფილოლოგი, ისტორიკოსი-ლიტერატურათმცოდნე, გერმანიაში საქართველოს დესპანი კონსტანტინე გამსახურდია ეხმაურება მთავრობის იმ გადაწყვეტილებას, რომლის თანახმადაც ზვიად გამსახურდიას ხელისუფლების დროინდელ კონკრეტულ პირებს სამხედრო წოდებები მიენიჭათ.
“შესანიშნავი ამბავია. ამდენი ხანი სახელმწიფოს მიერ აღიარებული ოფიციალური სამხედრო წოდება არ ჰქონდათ ადამიანებს, რომლებიც:
1. იცავდნენ კანონიერ ხელისუფლებას თბილისში, რუსული იარაღით შეიარაღებული პუტჩისტებისგან, ასევე მათთან ერთად მომქმედი საბჭოთა-რუსული “ღამურას” კომანდოსებისგან;
2. იცავდნენ თავიანთ კუთხეს ორგანიზებულად შემოსეული ბანდიტებისგან;
3. იცავდნენ საქართველოს ტერიტორიულ მთლიანობას აფხაზეთსა და შიდა ქართლში;
4. ზოგიერთი მათგანი “გამარჯვებული მხარის იუსტიციის” მიერ გასამართლდა აქ ჩამოთვლილი პირველი სამი პუნქტისთვის და მოიხადა უსამართლო პატიმრობის არაერთი წელი.
მთავრობამ გადადგა ის ნაბიჯი, რომელიც 30 წელი არავის გადაუდგამს. ამ ღირსეული ნაბიჯისთვის მადლობა ბ-ნ ირაკლის!” – წერს ფეისბუქის პირად გვერდზე კონსტანტინე გამსახურდია.
