“დანის პირზე გავდივართ, მით უმეტეს, თუ სასკოლო ურთიერთობებს და დღევანდელი სკოლების არაერთ მანკიერ მხარეს გავითვალისწინებთ” – არჩილ გამზარდია

ონლაინ სწავლებასა და განათლების დონის გაურესების თაობაზე სოციალურ ქსელში თავის პოზიციას აფიქსირებს ანალიტიკოსი, ტელეკომპანია “კავკასია”-ს ჟურნალისტი არჩილ გამზარდია:

“განათლების დონე გაუარესებულია – საშუალოდ, 55-60 % თვლის ასე საზოგადოებრივი გამოკითხვის შედეგად.

ონლაინ სწავლების ფორმატი კი, ვშიშობ, ბევრად უფრო ამძიმებს ამ შედეგს.

ბოლო პერიოდში ჩნდება ტენდენცია, მოსწავლეებს, მათ მშობლებს უბიძგონ შვილების დისტანციური სწავლების ფორმატზე გადაყვანა, რაც მოსწავლეთა სასწავლო შედეგს კიდევ უფრო გააუარესებს.

წინა კვირაში გადაცემა მქონდა, პანდემიის დროს სკოლების გაუარესებული სასწავლო შედეგების ზიანზე და ეს ზიანი საკმაოდ დიდია, რაც კიდევ უფრო, სარისკო დონეზე გაიზრდება თუ ახლა კვლავ გაჩნდა დისტანციური სწავლების იძულებების მათ შორის ხელოვნური ფორმები.

დისტანციური სწავლით სწავლა ფორმა ხდება და არა შინაარსი და ეს არის მძიმე ნაღმი, რომელიც არც ისე გვიან აფეთქდება.

დანის პირზე გავდივართ, მით უმეტეს, თუ სასკოლო ურთიერთობებს და დღევანდელი სკოლების არაერთ მანკიერ მხარეს გავითვალისწინებთ“, – წერს ფეისბუქის პირად გვერდზე არჩილ გამზარდია.