ორგანიზაცია “ყოფილი პოლიტპატიმრები ადამიანის უფლებებისთვის” დამფუძნებელი ნანა კაკაბაძე სახალხო დამცველ ნინო ლომჯარიას და მეუფე ნიკოლოზ აკრიტიკებს და მიაჩნია, რომ ისინი მხოლოდ ერთ პატიმარზე, მიხეილ სააკაშვილზე არიან კონცენტრირებული, იმ დროს, როდესაც რამდენიმე ათას პატიმარს აქვს სხვადასხვა სახის პრობლემა:
„მაშინ, როდესაც ციხეებში 10 ათასამდე პატიმარია, აქედან სულ მცირე 2/3-ს მაინც აქვს სხვადასხვა სახის პრობლემა და საჭიროებს ომბუდსმენის ჩართულობას, თუმცა, ჩვენ ვხედავთ, რომ ის მხოლოდ ერთ პატიმარზეა კონცენტრირებული და შორსაა ნეიტრალურობისგან. ნინო ლომჯარიას ჯერ ვადა აქვს ომბუდსმენად ყოფნის და მოგვიწევს ამასთან შეგუება. იმედია, რომ ხელისუფლება მომავალში, სახალხო დამცველის შერჩევისას, აღარ დაუშვებს ასეთ შეცდომას.
რაც შეეხება მეუფე ნიკოლოზის განცხადებას სააკაშვილის შინაპატიმრობაზე, სამწუხაროდ, მეუფეს, ეტყობა, ვინც აწოდებს ინფორმაციებს, არ აყენებს საქმის კურსში, რისი მოთხოვნის უფლება აქვს კანონმდებლობით. ერთია, რომ ეს არის კანონთან შეუთავსებელი და მეორე მხრივ ასევე შეუთავსებელია ყველანაირ სამართლიანობასთან“, – განაცხადა ნანა კაკაბაძემ.
