ანალიტიკოსი ზურაბ ქადაგიძე “ფაქტჩეკის” მიერ გამოქვეყნებული ერთ-ერთი კვლევის ფეისბუქზე გაზიარებული მასალის მოკლე შეფასებით ნაწილში დარედაქტირებულ ინფორმაციას ეხმაურება და ამტკიცებს, რომ ასე ყალბდება ინფორმაციები ოპოზიციასთან დაკავშირებული ორგანიზაციების მხრიდან:
“კლასიკური მაგალითი, თუ როგორ მარგინალდებიან ე.წ. “კრიტიკული სოც-მედია”, “ენჯეო” და ოპოზიციასთან დაკავშირებული სუბიექტები…
იმდენი სისულელე, ბოროტება, ტყუილი და იდიოტობა იკადრა სააკაშვილმა, რომ იმასაც ვერ ბედავენ ზემოხსენებული სუბიექტები, სწორად შეაფასონ პრეზიდენტყოფილის განცხადებები.
- სახალხო დამცველს ჯერ არ გაუღვიძია…
- “პრადვინუტი ენჯეოები” იდიოტური პოსტერების კეთებით არიან დაკავებული…
- “ფაქტჩეკმა” საკუთარი განცხადებების რევიზიაში ფსკერი გაარღვია…
ქვემოთ მოყვანილ ფოტოში ჩანს, რომ „ფაქტჩეკმა“ მიხეილ სააკაშვილთან დაკავშირებული ინფორმაცია ოთხჯერ ჩაასწორა და ყოველი ჩასწორების შემდეგ სხვადასხვა მონაცემი გამოიტანა.
საუბარია 13 იანვარს, საქალაქო სასამართლოში მიხეილ სააკაშვილის მიმართვაში გაკეთებულ განცხადებებზე.
„ფაქტჩეკმა“ თავდაპირველად დაასკვნა, რომ სააკაშვილის განცხადებებიდან 2 არის მეტწილად სიმართლე, 1 ტყუილი, რამდენიმე წუთში კი ტყუილი შეცვალა მეტწილად მცდარით. სულ ფაქტჩეკმა 4 ჩასწორება გააკეთა.
P.S
მერე ნუ გიკვირთ ოპოზიციის მორღვეული რეიტინგები…“, – წერს ზურაბ ქადაგიძე ფეისბუქის პირად გვერდზე.
