სოციალურ ქსელში გამოქვეყნებულ პოსტში ისევ პრობლემებზე ამახვილებს ყურადღებას პარტია “სტრატეგია აღმაშენებლის” პოლიტსაბჭოს წევრი, სოციალური მიმართულების ხელმძღვანელი, თეონა ჭალიძე. მისი თქმით სოციალურად დაუცველების რაოდენობა ათასობით იზრდება, უჭირს ხალხს, ხოლო ხელისუფლება ამ დროს საკუთარ სიამოვნებაზე ზრუნავს:
,,ინდაურის საცივის” გასთორვას თუ მორჩით მინდა ახლი ინფორმაცია მოგაწოდოთ ძვირფასო მთავრობის წევრებო. განახლებული სტატისტიკით ამ თვეში კიდევ გაიზარდა სოციალურად დაუცველთა რაოდენობა 6420 პირით და დღეს უკვე 643 167 ადამიანია საარსებო შემწეობის მიმღებთა ბაზაში – 174 379 ოჯახი.
ჰო, კიდევ ბევრი ითხოვს ამ დახმარებას, რომ თავი გადაირჩინოს, მაგრამ ახლა სოციალური აგენტები იფიცებიან ორშაბათიდან და ამ ხალხის განაცხადებზე მრეაგირებელიც კი არავინ არ იქნება და ამითაც ისევ რიგითი მოქალაქეები ზარალდებიან.
ბოდიში, ზედმეტად გადაგტვირთეთ ნეგატიური ინფორმაციით. ,,ცხელები” შემოიტანეს უკვე ხო?!” – ირონიულად მიმართავს მთავრობას თეონა ჭალიძე.