,,ერთიანი ნაციონალური მოძრაობის“ პოლიტიკური საბჭოს წევრმა ლევან ხაბეიშვილმა კომენტარი გააკეთა პარლამენტის თავმჯდომარის შალვა პაპუაშვილის პოზიციაზე შერიგების იდეასთან დაკავშირებით და აცხადებს, რომ თვითონ პარლამენტის სპიკერი ხალხთან კი არა ბიძინა ივანიშვილთანაა მხოლოდ ანგარიშვალდებული:
,,ქურდებთან და კრიმინალებთან შერიგებას არავინ არ აპირებს, მაგრამ ის, რომ სამართლიანი სასამართლო არ გვაქვს; ის, რომ უსამართლობაა ამ ქვეყანაში; ის, რომ ჩვენს მოქალაქეებს ჩაგრავენ და თავად მდიდრდებიან – ეს არის ცხადი და შემდგარი ფაქტი.
ამიტომ არის მნიშვნელოვანი ეროვნული შერიგება, რომ შევთანხმდეთ სამართლიან თამაშის წესებზე – ანუ თავისუფალ სასამართლოზე, პროკურატურაზე. ამის შემდეგ უკვე ხალხმა გადაწყვიტოს ვინ უნდა იყოს ხელისუფლებაში.
რაც შეეხება პაპუაშვილს, ცხადია ის იქნება ასეთ გონორზე მარტივი რამის გამო. მას არანაირი ვალდებულება ხალხთან არ აქვს. ის არის ბიძინა ივანიშვილის პირადი მოურავი და მხოლოდ მასთან აქვს პასუხისმგებლობა და შესაბამისად “ყურშა გაყოყოჩებულია” ახლა და აკეთებს აგრესიულ განცხადებებს.
რაც შეეხება, ,,ნაციონალური მოძრაობის“ ხალხთან შერიგებას, უკაცრავად, მასვე შევახსენებ, მიუხედავად იმისა, რომ გააყალბეს არჩევნები პირველ ტურში, მათ პირწმინდად წააგეს ყველა დიდი ქალაქი“, – განაცხადა ლევან ხაბეიშვილმა.
ინფორმაციისთვის: ჯერ კიდევ დეკემბერში, შალვა პაპუაშვილი “ნაციონალურ მოძრაობას” სთავაზობდა ხალხთან შერიგებას – “ვისაც სჭირდება შერიგება, ეს არის “ნაციონალური მოძრაობა”, რომელიც უნდა შეურიგდეს ქართველ ხალხს და ქართულ სახელმწიფოს“,…
ავტორი
ნინი ხიჯაკაძე
