აშშ და რუსეთის პრეზიდენტების – ჯო ბაიდენსა და ვლადიმერ პუტინს შორის გამართული მოლაპარაკებების 6-პუნქტიან ანალიტიკურ შეფასებას აკეთებს ანალიტიკოსი, პოლიტიკის ექსპერტი ხათუნა ლაგაზიძე.
“პუტინ-ბაიდენის საუბრის შედეგები
რამდენიმე ნიშანდობლივი მომენტი:
1. მიუხედავად ბაიდენის მუქარისა, პუტინი არამცთუ არ აპირებს უარი თქვას ულტიმატუმის შინაარსზე ან უკრაინაზე აგრესიაზე, არამედ პირიქით – უკრაინაზე თავდასხმის უფლებასაც იტოვებს ულტიმატუმის შეუსრულებლობის შემთხვევაში;
2. დასავლეთის მხრიდან მკაცრი სანქციების დაწესების შემთხვევაში, საპასუხოდ დამატებითი სამხედრო ზომებითაც იმუქრება, უკვე უკრაინის ფარგლებს გარეთაც;
3. სანქციათა შორის, ამერიკის მხრიდან პირველად მომხვდა თვალში, სამხედრო სანქციების გამოყენების მზაობაც;
4. BBC იუწყება, რომ ბაიდენმა აღნიშნა, რომ რუსეთის ქმედებების საპასუხოდ განიხილება ნატოს აღმოსავლეთის ფლანგის გაძლიერება და ნატოს ძალების კორექცია/პერედისლოკაცია;
5. მეორეს მხრივ, აღმოსავლეთ ევროპელებს აშინებთ ბაიდენის ფრაზა, რომ ამერიკა მზად არის განიხილოს რუსეთის წუხილები ნატოსთან დაკავშირებით;
6. საუბრის დაძაბულ ტონზე და პუტინის სიტყვების შინაარსზე, ყველაზე მეტად ბაიდენის მხრიდან ატომური ომის დაუშვებლობაზე რამდენჯერმე ხაზგასმა მეტყველებს.
მოკლედ, მძიმე წელი იწყება ჩვენს სამეზობლოში და მსოფლიოში“, – წერს ფეისბუქის პირად გვერდზე ხათუნა ლაგაზიძე.
