“შალვა პაპუაშვილის გამონათქვამების არსი არ განსხვავდება იმ მიდგომებისაგან, რაც გააჩნია დღესაც კახა კუჭავას” – გიორგი ვოლსკი

პარლამენტის პირველი ვიცე-სპიკერი გიორგი ვოლსკი კომენტარს აკეთებს კახა კუჭავას გადადგომასთან დაკავშირებით. მმართველი გუნდის ლიდერი მიიჩნევს, რომ ,,ქართულმა ოცნებამ“ შალვა პაპუაშვილის სახით არანაკლებ ღირესეული კანდიდატურა წარადგინა პარლამენტის თავმჯდომარის პოსტზე:

,,დიდი ხანია კახას აქვს გარკვეული დამოკიდებულება, კონცეფცია ამასთან დაკავშირებით და რაკვირველია მისი გადადგომა არ არის განპირობებული რაიმე სხვა მიზეზით – ეს ერთი. მეორე – საზოგადოებისადმი პატივისცემა და უპატივცემულობა ამით არ გამოიხატება იმიტომ, რომ არანაკლებ ღირსეული კანდიდატურა წარმოვადგინეთ.

შალვა პაპუაშვილის გამონათქვამების არსი არ განსხვავდება იმ მიდგომებისაგან, რაც გააჩნია დღესაც კახა კუჭავას. ამის გამოხატვის ფორმა შეიძლება სხვადასხავა იყოს, მაგრამ ფაქტია, რომ პარლამენტს, მის დღის წესრიგს, მოემსახურება შალვა პაპუაშვილი პროფესიონალურად.

თუ კი საკითხები მხოლოდ გამონათქვამის სიხისტეზე იქნება დამოკიდებული – ეს სიხისტე არც კახა კუჭავას აკლდა, როდესაც პოლიტიკური პოლემიკა მიმდინარეობდა“, – განაცხადა გიორგი ვოლსკიმ.

ავტორი
ნინი ხიჯაკაძე