“მიხეილ სააკაშვილმა გადაწყვიტა დაბრუნებულიყო საკუთარ სამშობლოში, სიცოცხლის და ჯანმრთელობის რისკის ფასად იმისთვის, რომ დახმარებოდა ქართველ ხალხს თავისუფლების მოპოვებაში” – დიმიტრი საძაგლიშვილი

ადვოკატი დიმიტრი საძაგლიშვილი, გორის ჰოსპიტალში, საქართველოს მე-3 პრეზიდენტის მონახულების შემდეგ აცხადებს, რომ მიხეილ სააკაშვილს უჭირს საკვების მიღება, რის გამოც იგი კარგავს წონას:

,,საქართველოს მე-3 პრეზიდენტს კვლავ უჭირს საკვების მიღება, მისი ორგანიზმი არ იღებს საკვებს, რის გამოც ის სტაბილურად კარგავს წონას.

მან გადაწყვიტა, დაბრუნებულიყო საკუთარ სამშობლოში, დაბრუნებული საკუთარი სიცოცხლის და ჯანმრთელობის რისკის ფასად იმისთვის, რომ დახმარებოდა ქართველ ხალხს თავისუფლების მოპოვებაში. შესაბამისად, მისი მიზანი და ამოცანა არის უცვლელი.

ის არ ჩამოსულა იმისთვის, რომ კვლავ გამგზავრებულიყო უკან.

სურს, მადლობა გადაუხადოს ჰოსპიტალის პერსონალს, რომელმაც მისთვის დაბადების დღის ტორტი მოამზადა“, – განაცხადა დიმიტრი საძაგლიშვილმა.

ავტორი
ნინი ხიჯაკაძე