რუსეთის ფედერაციის საგარეო საქმეთა სამინისტრო განცხადებას ავრცელებს შეერთებულ შტატებთან და დასავლეთის სხვა ქვეყნებთან დიალოგის შესახებ უსაფრთხოების გარანტიების შემუშავებასთან დაკავშირებით, სადაც საქართველოსა და უკრაინასთან მიმართებაში კონკრეტულ საკითხებზეა საუბარი:
“უსაფრთხოების განუყოფლობის პრინციპის დარღვევით, ისევე როგორც საბჭოთა ხელმძღვანელობის წინაშე მიცემული დაპირებების დარღვევით, წლების განმავლობაში, NATO თანმიმდევრულად ფართოვდებოდა აღმოსავლეთისკენ, ყოველ ჯერზე უგულებელყოფდა მოსკოვის შეშფოთებას, როდესაც ნატო-ში ახალი ქვეყნების დამატება ხდებოდა და ამ ბლოკს მატებდა აღვირახსნილ ანტირუსულ მუხტს.
ჩვენ დიდი ხანია ვამახვილებთ ყურადღებას მოვლენების ასეთი განვითარების დაუშვებლობაზე და რადგანაც დასავლეთს აშკარად არ არის განწყობილი ზემოაღნიშნული პოლიტიკური ვალდებულებების შესრულებისთვის, ბოლო ათწლეულების განმავლობაში, არაერთხელ იყო შეთავაზებული, ევროატლანტიკურ სივრცეში, მომხდარიყო თანაბარი და განუყოფელი უსაფრთხოების პრინციპის იურიდიულად სავალდებულო ხასიათის შეთანხმება. თუმცა, ამაზე უცვლელად უარს გვეუბნებოდნენ.
ამ მხრივ, როგორც პრეზიდენტი ვლადიმერ პუტინი ხაზს უსვამს, ჩვენ მოვითხოვთ, დროის კონკრეტულ პერიოდში და თანაბარი და განუყოფელი უსაფრთხოების პრინციპის საფუძველზე, სერიოზულ გრძელვადიან სამართლებრივ გარანტიებს, რაც გამორიცხავს როგორც ნატო-ს შემდგომ გაფართოებას აღმოსავლეთისკენ, ასევე რუსეთის დასავლეთ საზღვრებთან ჩვენდამი საფრთხის შემცველი იარაღის სისტემების განლაგებას.
ევროპის უსაფრთხოების ფუნდამენტური ინტერესებიდან გამომდინარე, აუცილებელია 2008 წლის ნატოს ბუქარესტის სამიტის გადაწყვეტილების ოფიციალური დეზავიურება, რომ “უკრაინა და საქართველო გახდებიან ნატოს წევრები“, როგორც ეუთო-ს ყველა მონაწილე სახელმწიფოს ლიდერების ვალდებულების საწინააღმდეგოს – “არ გააძლიერონ საკუთარი უსაფრთხოება სხვათა უსაფრთხოების ხარჯზე“.
მოვითხოვთ იურიდიულ შეთანხმებას, ამერიკის შეერთებული შტატებისა და ნატოს სხვა ქვეყნების მიერ თავდასხმითი იარაღის სისტემების, რომლებიც საფრთხეს უქმნის რუსეთის ფედერაციას, არგანლაგების შესახებ, მის მეზობელ, როგორც ჩრდილო ატლანტიკური ალიანსი წევრი, ასევე არაწევრი ქვეყნების ტერიტორიებზე“, – ნათქვამია რუსეთის საგარეო უწყების განცხადებაში.
