“ის რომ თავად მიიღო გადაწყვეტილება, ნაკლებად სარწმუნო მგონია“ – ეკა ბესელია ტიკარაძის გადადგომაზე

მმართველი პარტიის ყოფილი წევრი ეკა ბესელია პოლიტიკურ შეფასებას აკეთებს ეკატერინე ტიკარაძის გადადგომასთან დაკავშირებით. მისი აზრით, მინისტრს ეს გადაწყვეტილება თავად არ მიუღია – მას უთხრეს, რომ უნდა წასულიყო:

,,ის, რომ თავად მიიღო გადაწყვეტილება, ნაკლებად სარწმუნო მგონია. მაშინ სხვა მოტივაცია ექნებოდა ამას. როცა ადამიანი იღებს გადაწყვეტილებას და თანამდებობას ტოვებს ის ამბობს რატომ მიდის. მაგრამ, როცა არ ამბობს და პოლიტსაბჭო, რომელიც უფრო საპენსიო დასაქმების ადგილს ჰგავს, – ეს არის დროებითი, ტრანზიტული, მშვიდობიანი გასვლის პროცესისთვის შერჩეული პოზიცია.

კიდევ უფრო მეტად ამყარებს ამ აზრს, რომ ეს გადაწყვეტილება მისი მიღებული არ არის და როგორც ჩანს, მას უთხრეს, რომ უნდა წასულიყო“, – აცხადებს ეკა ბესელია.

ავტორი
ნინი ხიჯაკაძე