საპარლამენტო უმრავლესობის წევრი ალუდა ღუდუშაური მწვავე შეფასებებს აკეთებს ,,ნაციონალური მოძრაობის“ თავმჯდომარის, ნიკა მელიას მისამართით და მის მიმართ სუს-ში დაწყებულ გამოძიებასთან დაკავშირებით აცხადებს, რომ რამდენჯერაც იქნება დანაშულის ნიშნები იმდენჯერ დაიწყება გამოძიება საგამოძიებო ორგანოების მხრიდან:
,,რამდენჯერაც იქნება დანაშაულის ნიშნები, იმდენჯერ ვალდებულია, რომ გამოძიება დაიწყოს შესაბამისმა უწყებებმა. აქედან გამომდიარე, აქ რაიმე სახის პრობლემას ტყუილად ხედავთ.
ნიკა მელია არის ხულიგანი, თვითონ ,,ნაციონალური მოძრაობის“ რეალური მმართველის, სააკაშვილის მიერ არის დამცირებული.
გამოვიდა და თქვა, რომ ვინც პარლამენტში შევიდოდა იქნებოდა პუფი და პირველი პუფი თვითონ იყო, როდესაც შემობრძანდა პარლამენტში.
ნებისმიერ შემთხვევაში, თუნდაც ასეთი არაჯანსაღი და კანონსაწინააღმდეგო განცხადებისა, თურმე ინსტიტუციების მიერ დასმულ კითხვებს არ გასცემს ნიკა მელია პასუხს, ეს იგივე ცრუპენტელა ნიკა მელია არის, როდესაც თქვა, რომ თურმე ვერ დააკავებდნენ, შემდეგ გირაოს ვერ მიიღებდა და ა.შ.
მითხარით ერთი განცხადება ან პოზიცია ნიკანორ მელიასი, რომელიც მან შეასრულა. ეს არის ცრუპენტელა“, – განაცხადა ალუდა ღუდუშაურმა.
ავტორი
ნინი ხიჯაკაძე
