,,მთავარი“ არხის გენერალურმა დირექტორმა, ნიკა გვარამიამ კომენტარი გააკეთა მე-3 პრეზიდენტის, მიხეილ სააკაშვილის მორიგ სასამართლო პროცესთან დაკავშირებით. მისი განცხადებით პროკურორის და მოსამართლის გადაწყვეტილება აისახება ევროპის ადამიანის უფლებათ სასამართლოში გაგზავნილ დოკუმენტაციაში:
,,რაც შეეხება დღევანდელ პროცესს თვალნათელია, გაცილებით უფრო თვალნათელი, ვიდრე წინა პროცესზე, პროკურორების სრულიად პოლიტიკური განცხადებები, ჩაჩრები.
არ ვიზიარებ მე მოსამართლის გადაწყვეტილებას ცხადია სატელევიზიო განცხადებების შეფასებასთან დაკავშირებით – ერთ-ერთი პროკურორის, მაგრამ ეს ჩვენთვის სასარგებლო იყო, პროკურორის განცხადებაც და მოსამართლის გადაწყვეტილებაც. ეს აუცილებლად აისახება ევროპის ადამიანის უფლებათა სასამართლოსთვის გაგზავნილ დოკუმენტაციაში.
რაც შეეხება პოზიციას, საქმე არის აბსოლუტურად აბსურდული. დღევანდელი დღე არ ეხებოდა თითოეული ბრალდების განხილვას, ამასაც გავივლით. ანახებს ყველა არხი დარწმუნებული ვარ, მათ შორის სამთავრობო არხებიც და ნახავთ როგორ ანულირდება ნაბიჯ-ნაბიჯ ყველა ბრალდება.
სისულელე, რომელსაც ჩვენ ვისმენთ პროკურორებისგან უკონტექსტოდ, უადგილოდ. როცა მათი სიტყვა არ არის, მაშინაც კი ბღავიან რაღაც ბოტოქსზე და ა.შ. ნუ სირცხვილია უბრალოდ, თუმცა კიდევ უფრო მეტად შერცხვებათ, როცა პროცესს წააგებენ“, – განაცხადა ნიკა გვარამიამ.
ავტორი
ნინი ხიჯაკაძე
