პოლიტიკის ექსპერტი ხათუნა ლაგაზიძე პოლიტიკური პროცესებიდან გიორგი გახარიას ერთგვარ დისტანცირებასთან დაკავშირებით თავის მოსაზრებას გამოთქვამს და მთავრობის ყოფილ მეთაურთან მიმართებაში კონკრეტულ ვარიანტებს განიხილავს:
“სულ არ მიმაჩნია სასაცილოდ გახარიას დუმილი.
სააკაშვილის ჩამოსვლამდე გახარია მნიშვნელოვანწილად ქმნიდა დღის წესრიგს. დღეს მან თუ თავისი ნიშა ვერ მონახა და ვერ შეძლო პოლიტიკური დღის წესრიგის შექმნა, რაც არ არის მარტივი ამოცანა სააკაშვილის ციხეში ყოფნის პირობებში, მაშინ ის პოლიტიკური კომენტატორის როლს უნდა დასჯერდეს.
ამიტომ, ის ან მოახერხებს და შექმნის თავის პოლიტიკურ დღის წესრიგს ან დროებით ტაიმ-აუტს აიღებს, ოღონდ, ამ შემთხვევაში, არსებობს რისკი, რომ ეს “დროებითი” მუდმივად იქცეს
უქმად ჯდომა და ლოდინი როდის ჩამოცვივდებიან “ბარტყები” “ოცნების” ბუდიდან მის კალათაში, უშედეგო იქნება, თუ მან არ შექმნა მიზიდულობის ძალა ჯერ კიდევ “ოცნებას” შეფარებული ამომრჩევლისთვის,” – წერს ხათუნა ლაგაზიძე ფეისბუქის პირად გვერდზე.