“მიხეილ სააკაშვილის პოზიცია არის – როდესაც ტყეს ჭრიან შეიძლება ნაფოტებიც ცვიოდეს” – არჩილ თალაკვაძე

საქართველოს პარლამენტის თავმჯდომარის მოადგილე არჩილ თალაკვაძემ კომენტარი გააკეთა მიხეილ სააკაშვილის სასამართლო პროცესთან დაკავშირებით. ვიცე-სპიკერი აღნიშნავს, რომ დღეს კრიტიკოსებად ის ადამიანები არიან, ვინც 7 ნოემბერს ძალადობასთან იყვნენ კავშირში:

,,ყველამ იცის, თუ რა მოხდა 7 ნოემბერს, თუ რა მოხდა იმ დღეებში, როდესაც ხელისუფლებამ განახორციელა ძალადობრივი რეიდი ტელეკომპანია ,,იმედზე”, დღეს იგივე ხალხი გადაფუთულები და გადამალულები, ზოგი არასამთავრობო ორგანიზაციების საფარქვეშ, ზოგიერთი ტელევიზიების პროდიუსერები არიან, ზოგიერთები ოპოზიციაში გადავიდნენ – დღეს ეს ადამიანები აქეთ გამოთქვავენ კრიტიკას იმის ნაცვლად, რომ საკუთარი პრობლემები და საკუთარი დარღვევები დაინახონ.

მიხეილ სააკაშვილის პოზიცია არის – როდესაც ტყეს ჭრიან შეიძლება ნაფოტებიც ცვიოდესო, ანუ ჩვენ ისეთ რეფორმებს ვაკეთებდითო, რომ ადამიანები თუ კვდებოდნენ, ადამიანები თუ დასახიჩრდნენ და დაკარგეს საკუთრება და დაერღვა უფლებებიო ეს შეიძლება მოხდარიყოო იმიტომ, რომ უფრო მნიშვნელოვან რეფორმებს ვაკეთებდითო”, – განაცხადა არჩილ თალაკვაძემ.

ავტორი
ნინი ხიჯაკაძე