ჯანდაცვის მინისტრმა ეკატერინე ტიკარაძემ კომენტარი გააკეთა ქვეყანაში არსებულ ეპიდემიოლოგიურ სიტუციაზე. მისი თქმით, სტატისტიკა არის საკმაოდ მძიმე, ხოლო ვითარების სტაბილურობისთვის აუცილებელია მაქსიმალური რაოდენობა აიცრას:
,,სტატისტიკა, არის საკმაოდ მძიმე, თუმცა ბოლო ერთი კვირის მანძილზე ჩვენ ვაკვირდებით, რომ ინფექციის გავრცელების კოეფიციენტი RT არის ერთზე დაბალი. კონკრეტულად დღეს არის 0.91, რაც რა თქმა უნდა, არის დამაიმედებელი. თუმცა მნიშვნელოვანი არის, რომ ეს ნიშნული იყოს შენარჩუნებული და კიდევ უფრო დაწეული იმისათვის, რომ ჰოსპიტალურმა სექტორმა შეძლოს და გაუმკლავდეს მოცემულ რიცხვებს.
რაც შეეხება სიკვდილიანობაs, ამასთან დაკავშირებით იყო სწორედ ის კომენტარიც, რომ სიკვდილიანობას ამცირებს ვაქცინაცია და მნიშვნელოვანია, რომ 60 წელს ზემოთ მოქალაქეები იყვნენ მაქსიმალურად აცრილები. ეს მაქსიმალური რიცხვი ჩემთვის პირადად არის სულ მცირე 90%”, – განაცხადა ეკატერინე ტიკარაძემ.
ავტორი
ნინი ხიჯაკაძე
” – თემურ ჯანაშია