“დარწმუნებული ვარ ხალხის ნებას, ხალხის სამართლიან მოთხოვნას წინ ვერაფერი აღუდგება” – გიორგი ვაშაძე

პოლიტიკური პლატფორმა “სტრატეგია აღმასენებლის” თავმჯდომარე, არჩევნების მეორე ტურთან დაკავშირებით, ამომრჩევლებს მიმართავს და მოუწოდებს არჩევანის გაკეთებას ოპოზიციური კანდიდატების სასარგებლოდ:

“ხვალ, 30 ოქტომბერს არის ძალიან მნიშვნელოვანი დღე. ჩვენ საზოგადოებას დავპირდით ცვლილებებს და ამ ცვლილებებისთვის აუცილებელია არჩევნებზე მისვლა და ოპოზიციური კანდიდატების მხარდაჭერა, მიუხედავად მათი საარჩევნო ნომრისა.

ჩემი ჯანმრთელობის მდგომარეობის გამო ვერ ვახერხებ კამპანიაში აქტიურად ჩართვას, მაგრამ ეს არ ნიშნავს, რომ “სტრატეგია აღმაშენებლის” გუნდი აქტიური არ არის საარჩევნო პროცესში ყველა იმ ქალაქში, სადაც მეორე ტურები იმართება.

არჩევნების პირველმა ტურმა აჩვენა, რომ საზოგადოება ითხოვს ცვლილებებს და დარწმუნებული ვარ ხალხის ნებას, ხალხის სამართლიან მოთხოვნას წინ ვერაფერი აღუდგება.

ყველანი არჩევნებზე, საქართველო გაიმარჯვებს!” – აცხადებს გიორგი ვაშაძე.

ინფორმაციას პოლიტიკური პლატფორმა “გიორგი ვაშაძე – სტრატეგია აღმაშენებლის”
მედიასთან და საზოგადოებასთან ურთიერთობის სამსახური ავრცელებს