“გამოძიების შედეგად დადგინდება ის, რა პროვოკაციაც იგეგმებოდა, გაირკვევა სიმართლე და ყველას საკადრისი პასუხი გაეცემა” – გრიგოლ ლილუაშვილი

ფარული მოსმენების ფაილებთან დაკავშირებით პირველი კომენტარი გააკეთა სახელმწიფო უსაფრთხოების სამსახურის ხელმძღვანელმა, გრიგოლ ლილუაშვილმა. მისი თქმით გამოძიება მიმდინარეობს და სიმართლე გაირკვევა:

“პასუხისმგებლობას ვიღებთ ყველა მოვლენაზე, რაც უსაფრთხოებას უკავშირდება. დაელოდეთ გამოძიებას, საკმაოდ გამჭვირვალედ მიმდინარეობს, ყველას შეგიძლიათ გადაამოწმოთ.

რაც შეეხება გადადგომას, ოპოზიციის ჭკუაზე ვერ ვივლით. ასეა ეს ცხოვრება, რომ საქმე უნდა აკეთონ მათ ვინც საქმის გაკეთება იცის. გამოძიება მიმდინარეობს. თუ ჩათვლის გამოძიება, გამოიკითხება ყველა, თუმცა არავინ დაიჩაგრება, განსაკუთრებით უსაფრთხოების სამსახურის თანამშრომლები, ვინც თავიანთ საქმეს აკეთებენ.

გამოძიების შედეგად დადგინდება ის, რა პროვოკაციაც იგეგმებოდა, გაირკვევა სიმართლე და ყველას საკადრისი პასუხი გაეცემა.

სასულიერო პირებთან და ეკლესიასთან ბრძოლა ჯერ არავის არ მოუგია, მსოფლიოში და ვერ მოიგებენ ვერც საქართველოში. ასე, რომ ყველაფერი წინ არის და დაელოდეთ. გამოძიების შედეგები აბსოლუტურად გამჭვირვალე იქნება,” – განაცხადა გრიგოლ ლილუაშვილმა.