თბილისის საკრებულოში „მესამე ძალა – სტრატეგია აღმაშენებლის“ ისნის მაჟორიტარობის კანდიდატი თეონა ჭალიძე, ისნის რაიონის გამგებელს, “ქართული ოცნების” საკრებულოს მაჟორიტარობის, კახაბერ ლაბუჩიძეს დებატებში იწვევს. ჭალიძე მზადყოფნას გამოთქვამს ნებისმიერ დროსა და ნებისმიერ ეთერში დებატებში მონაწილეობის:
„ისნის რაიონში ბევრი პრობლემაა, რის მოგვარებასაც კონკრეტული გეგმა და სტრატეგია სჭირდება. წლებია აქ მნიშვნელოვანი ახალი პროექტი და პროგრამა არ განხორციელებულა. წინასაარჩევნოდ დებატებში მინდა გამოვიწვიო ისნის მაჟორიტარობის კანდიდატი „ქართული ოცნებიდან“ კახაბერ ლაბუჩიძე.
ვისაუბროთ საჯაროდ – რას ვგეგმავთ და მივცეთ საშუალება ამომრჩეველს შეაფასოს ვისი მუშაობა უფრო სასარგებლო იქნება საკრებულოში. არჩევანის გაკეთებაც უფრო მარტივი იქნება.
მოვიქცეთ ისე, როგორც ეს მიღებულია თანამედროვე, დასავლურ ცივილიზებულ ქვეყნებში. ველი გამოხმაურებას!” – მიმართავს თეონა ჭალიძე კახაბერ ლაბუჩიძეს.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს