ავსტრალიის მოქალაქე, შანაი ბრუკის მკვლელობაში ეჭვმიტანილ მურსაკულოვის მმართველ პარტიასთან კავშირის თაობაზე ჟურნალისტების მიერ დასმულმა შეკითხვებმა თბილისის მერის გაკვირვება და გაღიზიანება გამოიწვია:
,,რა წამოსაწევი თემაა, რა არის წამოსაწევი?! იცით რამდენ ადამიანთან მაქვს ფოტო გადაღებული?!
ამბობს, რომ მხარდამჭერია. მხარდამჭერი იყო ნიკა მელიასი, იგივე რურუასი. ასევე, გაზიარებული აქვს გახარიას ფოტო, ჩემი ფოტო, რა არის მერე ამაში დანაშაული?!
შვილებს ვფიცავარ საოცრებაა, ლოგიკა გაქვთ, არ ვიცი, იდეალური!
წარმატებები, იმეცადინე და შემდეგში უფრო მომზადებული მოდი…“, – განაცხადა კახა კალაძემ.
ინფორმაციისთვის: 30 ივლისს თბილისში გაუჩინდა ავსტრალიის მოქალაქე შანაი ბრუკი, რომელიც საქართველოში პედაგოგიურ საქმიანობას ეწეოდა. 24-საათიანი სამძებრო საქმიანობის განხორციელების შემდეგ, ახალგაზრდა ქალის ცხედარი, 31 ივლისს იპოვეს. გარდაცვლილს აღენიშნებოდა ძალადობის ნიშნები. საქმის გამოძიება დაიწყო განზრახ მკვლელობის მუხლით და დანაშაულის ჩადენიდან ერთ თვეზე ცოტა მეტი ხნის შემდეგ სამართალდამცავების მიერ, მომხდარ ფაქტთან დაკავშირებით, დაკავებულია რაფაელ მურსაკულოვი, რომელიც ამ ეტაპზე დუმილის უფლებას იყენებს.
ავტორი
ნინი ხიჯაკაძე
