მიხეილ სააკაშვილის საქართველოში ჩამოსვლასთან დაკავშირებით გავრცელებულ ვიდეომიმართვას ეხმიანება ინტერნეტგამოცემა “ტაბულას” დამფუძნებელი თამარ ჩერგოლეიშვილი:
“საააკაშვილის ჩამოსვლაზე:
1. სააკაშვილს როცა გადაწყვეტილი აქვს მოქმედება, “ორშაბათამდე” არ იცდის – განცხადების გასაკეთებლად;
2. როცა “ორშაბათამდე იცდის”, ვიღაცას აგოიმებს – ატყუებს, რომ რაღაც დასტყუოს;
3. ჩემი მყარად პრაგმატული სურვილია, რომ ჩამოვიდეს, იმიტომ რომ მისი ზიანის ძალა, მხოლოდ მის მოლოდინშია – ადგილზე მალევე გაქრება მითი როცა ყველა დაინახავს, რომ არაფერი შეუძლია – მთელი ზიანი გამოწვეულია იმით, რომ აქ არ არის და ილუზიას ქმნის, რომ აქ რომ იყოს, ჩვენზე მეტს შეძლებდა.
მაგრამ ჩემი სურვილი არაფერს ცვლის – მისი ნებაა რას იზამს;
4. ვისაც მისი უკონტროლო ძალაუფლების შიში გაქვთ, ხმა მიეცით ბოკერიას, ეგ ბოჭავს ყველაზე იოლად და ეფექტიანად;
5. 9 წელია მოცემულობაა, რომ სააკაშვილი ივანიშვილის მთავარი სიტუაციური მოკავშირეა – ეს ვიცით ყველამ, ვისაც თავში გრამი ტვინი გვაქვს.
ამიტომ მედიას ვთხოვ, ზიანის შემცირებაზე იმუშაოს და როცა ხედავენ, რომ სააკაშვილი ივანიშვილის მოკავშირეა, დღის წესრიგის შექმნაში ნუ ეხმარებიან და მის 137-ე განცხადებას ჩამოსვლაზე, მთავარ თემად ნუ ხდიან.
(გაითვალისწინონ, რომ ივანიშვილის რეჟიმი ჟურნალისტებს კლავს და რეჟიმს ნუ ეხმარებიან),” – წერს ფეისბუქის პირად გვერდზე თამარ ჩერგოლეიშვილი.