საშემოდგომო სესიის პირველი სხდომა პარლამენტში საკონსტიტუციო ცვლილებების განხილვით იწყება. პარლამენტში გამართულ ბრიფინგზე კომენტარი გააკეთა ,,სტრატეგია აღმაშენებლის“ გენერალურმა მდივანმა პაატა მანჯგალაძემ, მან ხაზგასმით ისაუბრა აღნიშნული ცვლილებების მნიშვნელობაზე და აღნიშნა, რომ გენერალურ პროკურორთან მიმართებაში მმართველი პარტიის მიერ შეცვლილი პოზიციის მიუხედავად პრიორიტეტული მაინც პროპორციულ არჩევნებთან დაკავშირებული ცვლილებაა:
,,ის, რომ დღეს არ მოსწონს ,,ქართულ ოცნებას“ ეს ცვლილებები გამოწვეულია იმით, რომ ისინი, ასე ვთქვათ, არ ეშვებიან ამ ჩხირკედელაობას კონსტიტუციასთან დაკავშირებით. ახლა ეს თემა შემოგდებულია იმისთვის, რომ ოპოზიცია აჰყვეს ემოციას და უარი თქვას ქვეყნისთვის მნიშვნელოვან ცვლილებაზე.
არა ბატონებო! ჩვენ ცივი გონებით, პრაქტიკულად და პრაგმატულად მივიღებთ გადაწყვეტილებას, რომ ხელისუფლების დემოკრატიული ცვლილებისთვის გვჭირდება პროპორციული სისტემა!“, – განაცხადა პაატა მანჯგალაძემ.
ავტორი
ნინი ხიჯაკაძე
