“ხელისუფლება უსუსურია ციხეში” – გოგი წულაია

Covid-19 მასიურად გავრცელდა ციხეებში და პატიმრების გარკვეული ნაწილი ინფიცირებულთა რიცხვს შეუერთდა. შექმნილ მდგომარეობაში, პარტია ,,ახალი ქრისტიან-დემოკრატების” თავმჯდომარე გოგი წულაია, მმართველ გუნდს ადანაშაულებს:

,,ხელისუფლება უსუსურია ციხეში. საკანში მჯდომ ადამიანს რომ ვერ დაიცავ ვირუსისგან და ვერ გააკეთებინებ პირბადეს, ვერ დააცვევინებ დისტანციას, ვერ მიაწოდებ საჭმელს ისე, რომ კორონა არ გადადო, ესე იგი ხარ უსუსური, მათხოვარი ციხეში და გარეთ რა იქნება ეგი ხო წარმოდგენილი გვაქვს?!

მინდა, ხელისუფლებას მოვუწოდო, რომ პირველ რიგში, ყველა მშობელი აბსოლუტურად ჩააყენონ საქმის კურსში, მიაწოდონ ზუსტი ინფორმაცია – ვინ, სად არის? ვინ როგორ მკურნალობს?

მეორე რიგში – დაიწყონ უკვე ვადაზე ადრე გათავისუფლების გადაწყვეტილების მიღება ყველა იმ ადამიანზე, ვისაც ეხება და რისი ალბათობაც, რომ ციხიდან გამოუშვებენ, არ ჩაიდენს ხელახალ დანაშაულს, ალბათობა დიდი აქვს, ყველა ასეთ ადამიანს უნდა შეახონ“, – აცხადებს გოგი წულაია.

ავტორი
ნინი ხიჯაკაძე